J-Cloudream

AHC  black eye mask & eye cream @ BEAUTY 長年累月沉積出一對勁深的黑眼圈, 已經很難救, 最近試了AHC的black eye mask, 在韓國批發店直接購入, 都差不多$20一張mask, 連續做了兩天, 發覺真的淡了少少, sales大爆佢有一個客好勤力, 日日敷, 又加埋eye gel和按摩眼部, 一個月真的見佢黑眼圈淡咗, 所以推介比我用。 不過日日敷真係好貴, 未捨得咁豪, 但見到佢有少少反應都算有點安慰。所以決定測試20天, 看看有什麼成效。不過最唔鍾意佢有一大陣香水味, 唔好聞, 多咗的精華又唔想浪費, 所以都會用來搽埋整塊面, 如果對香水敏感的就不能用了。 同時加埋AHC的第三代eye cream, 早晚搽和按摩, 最明顯就是已經改善了眼紋和眼袋的問題, 因為這個第三代有7合1的功效:  1) 防止乾紋 2) 消除眼袋, 浮腫 3) 提拉緊緻, 提升眼部彈力, 改善眼睛周圍肌膚 4) 改善不均勻色素, 黑眼圈 5) 美白 6) 修復  7) 保濕 每次搽eye  cream時都會輕按眼袋和眼皮, 特別是最嚴重的部份, 直至所有cream吸收為止, 手指千萬不要在眼部滑動, 這樣會拉扯眼皮, 會令肌膚鬆弛用按壓方式便可。這支eye cream是唯一推介可以搽發令紋, 頸紋, 或面上任何一處你認為要去紋的地方, 如果你豪得的話, 當面霜用都得, 哈哈...批發價30ml $135/支, 最緊要係唔笠, 唔怕出油脂粒。 https://www.facebook.com/tdtm.page?fref=ts

G-MARKET shopping @ LIFE 現時大家的消費模式經已轉變, 身邊朋友必定有一個網上購物account: eBay, 淘寶網, G-market, ZALORA, RAKUTEN......近幾年韓風持續趨得勁, 我除了淘寶之外, 今期迷上了G-market, 與同事夾單落訂, 過數後5天內必定收貨, 坐飛機喎, 真係一日就到港, 仲快過淘寶, 而且made in Korea, 快靚正呀! 今次我們一共有8張單, 分別8間店鋪, 11號落單, 原本可以15號就收貨, 但因為其中一間店放了2天假期, 要17號才發貨, 結果18號所有貨到仁川機場上機, 我們在落單時選用最平運費的順豐, 19號下午4點半就收到貨了。 每件貨都包裝得企理, 用bubble紙包妥, 再用很挺身的紙盒裝著, 講真每一盒都沒有被壓扁, 相信韓國的運輸都不錯。當然大家都知紙皮越多價錢就越貴啦! 不過計番條數比香港買都要平最少20% 今次G-market的收穫 今次連埋運費, 我都係買咗HKD387, 已經有一對鞋, 一本畫冊, 5件眼線化妝品, 全部made in Korea, 真係覺得唔同D, 而且品質很好, 對鞋超舒服, 不會太膠, 畫冊印刷精美, 眼線筆每盒都有bubble紙包住, 一定不怕跌斷, 好滿意好開心呀! 大讚! 2015年韓版米奇拖鞋 JETOY填色畫冊 BEAUTY PEOPLE PRODUCTS 全張單共重8.25KG, 空運費用25690won(約HKD171.91), 當中有些貨品是包國內配送, 沒有包國內配就要多付2500won(約HKD16.73), 基本上8張單, 有兩張只需付國內運費, 其他的都免費。當然每一間店買得多, 國內運費是可以免的。 另外, G-market網有中文版, 但當去到落單時, 全部選項都是韓文, 不過它很細心的就是在貨品簡介, 每件產品都會有編號, 所以都不是問題, 至於文字翻譯, 相信不會難到大家, 在google 翻譯就無問題啦! 只是需要多一點時間和耐性吧! 希望大家都開開心心買到自己心頭好啦!

The boathouse @ EAT 一直接好想試試這間在赤柱的餐廳, 被它悠閒舒適的環境吸引, 很寧靜的, 可以讓你一邊望著海, 一邊品嘗海鮮美食, 人生一大快事。 老公有意無意的特地在我們拍拖5000紀念日駕車到這裡吃晚餐, 晚上8點, 只有兩枱客, 暗暗的燈光很柔和浪漫, 我們最喜歡在這靜靜的環境享受食物。 首先點了海鮮拼盤: Chilled seafood platter - crab legs, prawns, crayfish, mussels, clams, scallops with shallot vinaigrette, cocktail sauce and lemon , 一大盤冰鎮海鮮端上, 伴著檸檬, 蕃茄汁和醋作調味, 賣相不錯。我最喜愛的蝦超爽超大隻, 兩隻小龍蝦仔味道鮮甜, 加上蟹腳, 青口, 蛤, 及兩粒特大帶子, 凍食海鮮最緊要是乾淨, 這個很滿意。砌出來的海鮮盤簡直是藝術品, 每種海鮮都很新鮮, 讚! 點了杯ROSES ~ Chateau Les Valentines Provence, France, 味道比較平淡, 不會太甜, 不是所有女生都愛的口味, 但對於不愛太甜的人來說, 這個很long tasting。 另一杯Second Breeze non-alcoholic cocktail: grapefruit juice, passion fruit, red bull, 味道帶酸, 好醒胃, 配海鮮不錯。 試了一個特別的salads: Achiote-rubbed tuna and potato salad with quail egg, french beans and  anchovy. 內容非常豐富, 好fresh, 最鍾意佢tuna, 似是浸熟的煮法, 肉質比較冧, 還有兩條小小salted鳳美魚做點綴, 整體味道好夾。 再點了個main dishes: Salmon and crayfish ravioli with baby spinach and lobster sauce, 好鍾意佢的龍蝦汁, 勁濃郁, 三文魚肉餡的意大利雲吞, 魚餡很飽滿, 雲吞皮薄不會太實, 有別於平時食開的意大利雲吞皮, 可能是即時手造吧! 最後配

手作仔STUDIO ~ kpc @ LIFE 近年好多公司都因為經濟環境而需要在生意策略上作出改變, 香港人真是打不死, 那份拼勁永不磨滅, 創新敢試就一定成功。 NOVETEX SHOWROOM 最近因為開始Fall Winter 2017 research, 到毛行睇新料, 發現一間做了很多年毛紗紡廠大公司: Novetex, 換了新血, 改變策略, 加了新元素, 令公司煥然一新。他們本身在毛紗經營方面作出了轉變, 比以前更多元化選擇。另外, 在辦公室隔開了一個大corner做workshop, 專門教授毛織手作藝術, 手勾公仔或家品, 毛針公仔掛飾...... KPC YARN STUDIO 手勾裝飾 COFFEE CORNER / 手勾毛冷選擇櫃 他們將原先紡廠棄之可惜, 留之沒用的原料加以處理: 染色, 洗水, 變為手勾的毛冷, 做羊毛氈公仔的羊毛纖維, 化腐朽為神奇。更何況近年又多了很多青年人喜歡動手做手藝, 這正迎合了市場的趨勢。 已染好色的羊毛原料及紗線 每月都會有手工藝課程, 只要上網報名, 過數, 就可以按選擇的日子上堂, 包埋材料費, 如果星期六冇節目, 這可是一個好去處。Studio還設有coffee corner, 可約埋三五知己去消磨時間, 增加藝術情操, 又可以跟同場的朋友互相交流。 手勾製作班 如果學懂了基本技術, 興致大發, 手癢癢的, studio還有不同款式材料包可以購買, 比外面的便宜, 而且質量有保証。為至愛親手做一件藝術品, 冧到爆! 購買現成DIY製作手工包 http://www.kpcyarn.com/ http://www.knitpurlcrochet.com/

美荷樓 @ LIFE 香港需要發展， 舊區重建， 很多好有歷史價值的建築物， 文化都因為社會要改變而被淘汰。慢慢地人就會遺忘過去， 每天追尋著捉不到的將來。但其實沒有昨天， 哪會有今天呢？ 珍惜當下， 明天更美。 石硤尾村拆了， 政府留下第41座做保育重建， 改為青年旅舍， 設有展覽廳，將六七十年代的香港展示出來， 很多景象都只能靠相片來回味。 美荷樓青年旅舍 外貌仍保留那年的公共屋村的樣子 展覽廳展示六七十年代的兒時遊樂場照片 還有一間呼吸小賣店， 可以找到很多兒時的玩具， 零食和飾物， 好懷舊。 可以買到久違了的零食 放假可以到這裡遊逛幾小時， 在呼吸咖啡室悠閒消磨一個下午。 http://www.yha.org.hk/chi/meihohouse/index.php

傳統餅 ~ 八仙餅家 @ EAT, LIFE 相信現在要找一家好吃的傳統中式餅店真的很難, 做餅的老師傅都退休了, 要找傳人承接亦是難事。為什麼現在的中國傳統藝沒有後生願意承傳呢? 難道要我們的後代就只能靠相片去感受我們長輩的生活和逸事。 偶然下路過石硤尾一間老餅店, 一陣烤焗味撲入鼻, 繼而看到老店內一個很有歷史痕跡的logo, 讓我停下腳步, 很香的餅味, 門口放著剛出爐的老婆餅, 合桃酥, 西樵大餅, 大蛋糕, 雞仔餅, 豆沙月餅, 蛋糕仔, 黃菱, 紅菱, 皮蛋酥..... 就停下步 : 老公, 買一個老婆餅食下! 心想: 就是知道你愛吃, 買給你吃吧, 我一向都少吃這類甜餅。 不過我是會試食的, 嘩! 焗出嚟的皮很香, 很薄, 有冬瓜蓉, 很煙韌, 甜度適中, 好有口感, 一個大老婆餅入口好滿足。都有10CM直徑大呀, 都係6元個, 比起名牌店賣的更值價。可惜肚子不能一時間樣樣都塞下, 今次就只買了大老婆餅食, 下次再試別的。 http://www.openrice.com/zh/hongkong/restaurant/%E6%B7%B1%E6%B0%B4%E5%9F%97-%E5%85%AB%E4%BB%99%E9%A4%85%E5%AE%B6/11292