J-Cloudream

牛肉麵 ~ 小王牛肉麵 @ EAT 香港很難搵到一間有水準的台灣料理, 所謂的牛肉麵都是很港式的, 星期六很隨意的走進這家小王牛肉麵, 難得在荃灣廣場可以找到一家米芝蓮餐廳, 總算有點驚喜。 荃灣廣場4/F 餐廳環境舒適 酒釀豆腐 / 鐵蛋 / 壺底油 算落吃一碗牛肉麵要$50多, 真有點貴, 但當你看到碗牛肉麵端上枱, 吃過之後, 你會覺得值回票價。牛肉麵湯底好有牛肉味, 而且還加了八角及一些藥材, 不是太濃, 也不太膩。選了粗麵配湯, 因麵條大約有1CM闊, 但未算煮得淋, 有部份還是有點硬和實, 吃到淋一些地方就很彈牙。最欣賞是牛筋, 好滑好膠, 這碗半筋半肉麵, 份量真足料, 是誠實的商戶。 半筋半肉粗湯麵 至於拌麵, 我們選上幼麵條, 加上沙茶醬很香, 牛肉亦很腍, 配搭得不錯。 沙茶牛肉拌幼麵 不過鹽酥蚵仔就比較失色了, 就好像吃炸粉, 太乾, 或許蚵仔太細不宜作這道菜式吧! 鹽酥蚵仔 他的滷水三寶, 真的要讚他墊底的豆腐粒, 既不覺為了賣相才加底的平價拌菜, 豆腐粒真的滷得很好味。牛展很腍, 牛肚就韌了一點。 滷水三寶 ( 牛展 / 牛肚 / 牛筋 ) 點餐紙 點餐紙

AHC 玻尿酸護膚必備皇牌 @ BEAUTY 最近時常聽到玻尿酸這個成份, 其實化妝品含有這個成份的有很多, 不過打正旗號sell玻尿酸的就不多, 而韓國AHC出的B5 精華和mask, 就所向無敵。 吸收 1000 倍水份分子帶入皮膚底層，增強肌膚鎖水能力 促進膠原蛋白合成，並舒緩過敏泛紅，鎮靜敏感肌膚 改善乾性、缺水、粗糙肌膚、眼部油脂粒及眼紋等問題 具有卓越自我活膚再生功效，能迅速滲透表皮肌膚 用咗B5精華都有3個月了, 好明顯塊面係潤澤咗, 彈咗,  用佢嚟打底再搽護膚品, 效果更顯著。 而這個B5精華市面上價錢好企硬, 平均都要11元/ml, 最平的只買過8.25元/ml, 而這個B5精華。 B5 mask是壓有波浪紋的paper mask, 質地比平時用開的厚, 精華會鎖住在坑, 不易流走, 不失為一個好設計, 上面都好貼服。敷完30分鐘後, 塊面好有光澤, 好似飲咗好多水咁, 但又唔係水腫嗰種喎! 韓國最近這個月出了加強版B5精華, 包裝靚咗, 功效更强。所以市面上的舊版開始減價, 如果唔介意用舊版, 又想試下B5有幾好用, 不防可以趁平入貨。 新版B5精華 朋友介紹YAHOO團購做AHC優惠, 可以參看一下: https://hk.deals.yahoo.com/hong-kong/offer/260325

韓國香蒜芝士脆脆波 @ EAT 閒逛尖咀香港城， 行累了， 走到Koeran Dessert Cafe坐下， 見到佢推介的香蒜芝士波， 圖片又吸引， 所以點來試試， 再配上熱焦糖咖啡， 為今天走上10000步補充一下。 兩個拳頭大的圓波形飽， 搽滿牛油蒜蓉， on top加上車打芝士和精髓所在的韓國年糕， 焗香， 再加上甜蛋黃醬，非常滿足。 焦糖咖啡略為甜了一點， 不過不失。 香蒜芝士脆脆波 焦糖咖啡

防曬Spray ~ RE:CIPE crystal sun spray @ BEAUTY 太陽越來越猛烈, 出門一定做足防曬, 不過如果夏天搽埋防曬, 又搽遮瑕, 又搽粉底tone 色, 真係變咗做粉人喎, 咁厚妝, 又唔舒服, 又好熱。但係唔上妝又真係唔見得人, 好慘呀! 最近比我搵到支正嘢, 水晶防曬噴霧, crystal sun spray, 韓國RE:CIPE SPF50+ PA+++ , 超正, 噴得好平均, 又唔笠, 噴咗好似冇噴, 睇到有一層coating, 亮亮的。佢講到濕噴, 乾噴都得, 真係好方便, 連老公用咗都話正, 叫我買支比佢返工用。 在網絡上找來韓國節目對這個spray的測試, 可以參考下。當然最緊要啱自己用啦!   個人來講, 用嚟定妝最好, 既防曬之餘, 又可以定妝, 噴咗又唔影響個妝, 又持久, 最緊要係透薄, 仲有清涼感覺。當然一般spray都會有一些香味, 這個雖然不是太濃烈, 但都不宜吸得太多。 我在葵涌廣場2樓角位一間藥妝, 以$110/2支買到, 暫時見到全城最抵買。

水光針面膜 1st round ~ DR.ALTHEA @ BEAUTY 韓國流行了很久的水光針美容, 能令到美女們的皮膚變得更細滑, 更水潤, 肌膚再生, 年輕十年。做了一點功課: 水光針是 將含有比人體內多200-300倍水份嘅透明質酸，直接注射到肌膚真皮層，瞬間解決暗瘡、毛孔粗大、皮膚乾燥、暗啞、敏感等問題。 可是這個玩意兒都是屬於有錢人的保養方法, 打一支針最少都要上千元, 還要定期注射。我有朋友為了在結婚時有最美的狀態, 早在半年前就在美容院打這個水光針療程。 結婚那天見她真的容光喚發, 明艷照人。 而韓國的醫學美容都很出色, 很多科研技術不斷進步, 做了一段時間research, 對這個由 「江南 THEME 皮膚科醫院 (Gangnam Theme Dermatology Clinic) 」 研究開發的「果凍生物纖維」面膜: Premium DR. Althea Water Glow Skin Renewal Hydrogel Mask    升級版水光針面膜很感興趣。 四處查找, 這個mask都不平宜, 普遍都差不多300元至500元的價錢, 才得5片面膜, 而且建議4盒為一個療程, 計計下都要2千元喎, 但比起唔洗打針, 同埋美容院的費用, 都算是化算, 不過有幸識到一家專門直接在韓國生產商購入正品的店舖, 在推介下, 老闆娘以她的眼光入了這批貨, 我才可以很優惠的試到這個水光針面膜。 面膜是啫喱質地, 即是所講的果凍生物纖維 , 聞說這個是韓國暫時精華最多的面膜之一, 而且是唯一可以做到滴水不漏, 將精華鎖住在面膜內, 當敷上佢時, 皮膚就可以完全吸收晒。 功能:  深層補濕、緊致毛孔、美白、抗敏降紅、祛痘消炎、撫平細紋、淡化痘印、增加皮膚彈性 現在是試用階段, 等我用到一半療程時再同大家分享用後感, 記得留意POST呀! information reference:  tag-concept TDTM Bseido

創意新穎 ~ 庭壽司 @ EAT 很喜歡吃日本料理, 由元綠, 元氣, 板前, 板長, 一壽司, 羽壽司, 峰壽司都已經滿足不了。現在一說到吃壽司, 都不會考慮吃哪家, 遠遠的都要去, 深深地被這家吸引著 ~ 青衣 庭壽司。 不是什麼大型連所店的壽司舖, 只是家庭式的屋村生意默默地努力扞著做, 對壽司的品質, 食材的挑選, 味道的配搭都有著一份執著。主理人嚴格要求客人吃壽司的次序, 她亦會在客人點選的壽司中, 按次序出品。要先吃有紫菜的壽司: 軍艦和手卷, 其次火炙壽司一上枱要即食, 會特別正。 最欣賞是她的特製柚子醬汁, 超濃超足料, 你是可以見到柚子醬汁有滿滿的果肉, 放在油甘魚腩的上面, 飯的比例是魚生的三份一, 放入口...嘩...滿滿的充滿著口腔, 柚子酸甜度適中, 帶出油甘魚的鮮味, 真係超正。 還有一些特別的創意卷都是庭壽司特有, 特大惠芳卷, 鵝肝帶子卷, 火炙鰻魚, 鹽燒魚旗, 柚子醬燒油金魚頭, 最正最正的是海膽系列, 什麼樣的海膽都是超正, 好鮮! 鵝肝的創作壽司, 不論主理人用什麼不同配料或醬汁創製, 都係無懈可撃, 點解你對味道的觸角咁厲害, 絶配! 當中有一味手工小食: 冰球漬, 完全想不到她巧妙的刀工由魚鼻骨抽出來的軟骨, 用醋調味, 而做成的精緻藝術小食。另外, 最少有的是這裡可以吃到新鮮生果雪芭, 水準不錯呀! MEGA 海膽三文魚帶子卷 ~ 真係MEGA到要分開嚟食呀 創作丸子壽司 海膽系列卷物 ~ 海膽鮮味到難以形容 鵝肝帶子卷, 入口即溶, 鵝肝佔整件壽司的比例合到好處, 不會太膩 新鮮生果雪芭, 好清甜, 最like柚子味 雞泡魚乾 / 冰球漬 / 芒果蟹子沙律 / 三文魚子 辣味三文魚軍艦 / 火炙蛋鰻魚 / 蟹膏甜蝦 柚子醬油金魚 / 赤貝 / 火炙魚 背(左口魚邊) 火炙蛋 / 火炙鰻魚 / 鵝肝帶子 / 墨魚蟹子 / 辣味三文魚

八月 @ EAT 美心集團之一 ~ 八月, 新派粵菜, 精緻小菜, 適合不是大胃皇的兩口子晚飯。 最欣賞的是他的湯水系列, 以位上, 所以各人選擇自己的愛好都可。最like佢: 黨蔘鮑魚燉雞, 用紫砂茶壺盛著湯和渣上枱, 用小紫砂杯飲湯, 大概有3杯的份量, 所有精華都在壼內, 味精相信是最少的。對於我這個不懂煲湯的人來說, 已經是一個很好的選擇。 魚蓉菜羹  /  黨蔘鮑魚燉雞 / 南瓜蝦仁湯 巴拿馬火腿沙律好抵食, 好大盤, 沙律菜又新鮮又甜, 火腿又多, 總之就唔係裝飾嗰種啦! 巴拿馬火腿沙律菜 士多啤梨骨 露筍三層樓 最精緻是這個翡翠豆腐, 想不到是將露筍打成蓉混在黃豆, 做出豆腐, 很有豆香和露筍的鮮味。外面蘇炸脆皮加上汁, 好夾好有層次, 這個真是手工菜。棒! BB豬 BB豬皮脆肉靚, 加少少沙律菜伴碟, 特別醒胃, 招牌菜一定要食。 上湯生麵 另外，新派甜品都非常吸引， 價錢同出面甜品舖的差不多， 賣相不錯， 味道亦不遜色。 炸雪糕蛋球和沙翁 蛋白杏仁露

捐血救人 ~ 614全城穿紅行動 @ LIFE 今天出席了香港紅十字會輸血中心的週年捐血頒獎典禮2015， 為表揚捐血25次的捐贈者，介紹成份捐血和普通捐血的分別和鼓勵更多人支持捐血。 因為香港每一天都有很多需要等輸血的人, 地中海貧血的患者嚴重的需要3星期輸3包血, 但是看到她們的分享都很開心和樂觀, 卻是一個鼓舞。那麼自己健康的儘一分力為這個社會貢獻一點。 6月14日齊來穿上紅衣, 公開讚揚和感謝捐血者, 以及支持捐血救人行動。 香港紅十字會輸血中心

防曬眼霜 ~ Quin @ BEAUTY 夏天開始接近了, 大雨過後太陽更猛烈, 開始留意哪一種防曬係最合用。市面上有很多形形式式的防曬霜, 但很多都要避開眼部, 因為太油會出油脂粒。而且我哋眼睛部份的皮膚是最幼嫩, 如果都做唔好防曬和護養, 個黑眼圈真係冇得翻身。 偶然機會下給我網絡上找到一支專門搽眼部的防曬乳: Quin rose eye uv solutions SPF30 PA+++, made in France, 有anti-aging, smoothing,  whitening, reconstructing的功效, 但因為是很舊的post, 要找回供應者都很困難, 不斷番查, 結果給我找到Molly的聯絡方法, 就訂購了一盒試了。 這款防曬眼霜是有色的, 有少少遮瑕的效果, 但如果好似要遮我個黑眼圈, 就多多都唔得啦! 用一小黃豆粒的份量就可以搽好雙眼, 仲有陣陣玫瑰香味, 而且質感滑, 最like 佢堅唔笠, 用咗約三星期了, 眼部沒有出油脂粒, 仔細睇睇, 黑眼圈和細紋都淡咗少少, 真係好掂!  哈哈....anti-aging ~  逆齡就唔敢包嘞, 淡化黑色素呢, 就見到少少功效, 不過如果只當佢係防曬, 都已經不錯, 這些功效如果真湊效就係bonus。 價錢就$350盒, 一盒有2支, 都有排用, 速遞費另計。 準備好迎接夏天嚟未呀? 下回就會分享我覺得好用的防曬乳, 記得留意! 如果想試下呢支防曬眼霜可以直接聯絡:  Molly Lo whatsapp:  9869 2203 https://www.facebook.com/MollyLoMakeUp/likes 一盒兩支10ml裝, 每次只需用一粒小黃豆的份量就夠雙眼用了 有少少遮瑕效果

經濟實惠化妝品 ~ MAKEUP REVOLUTION LONDON @ BEAUTY 在網上偶然認識了HK blogger: 黑咪, 追踨她個多月的blog, 最後決定到訪黑咪小店, 敗家咗MAKEUP REVOLUTION LONDON的collection, 真係超抵用, 對於平時少化妝的我, 這個實惠化妝品真的能夠满足我的需求, 為平淡的每一天加點精神氣息。 這個MAKEUP REVOLUTION 店主用了NAKED的同系產品做比對, 完全一模一樣, 不論是顏色和粉質都一樣, 而價錢就超值價, 相差一大截。原因是這個品牌是英國牌子, 但made in PRC, 所以在價格上是非常親民, 有佢一班fans。 尋覓很久, 終於可以買到一set用唔啱都唔會肉痛的化妝色板, 真係好開心。何況用咗2星期, 皮膚都沒有敏感effect, 真係物超所值。 買咗 MAKEUP REVOLUTION 眼影palette $68, 有 3個色系可供選擇: ICONIC 1, 2 , 3, 都是自然色,  上粉好易 亦很出色, 不過亦容易掉粉。 另外, 買了她的副線 I HEART MAKEUP的胭脂, 光影, 陰影粉$85, 上色都很自然, 好啱平時daytime上班。平平地, 真係一個不錯選擇。 兩支唇膏: Nude & Flashing color 都係$18支, 好潤, 有杏仁味, 上色要塗多幾層才會出色, 不過以低調的人來說已經足夠。 連結咗黑咪的介紹, 不防參考下攞多d ideas, 有好嘢當然要一齊分享啦! http://www.hakmebeauty.com/2015/05/urban-decay-naked-1-3100.html 黑咪小店 胭脂, 陰影粉, 光影粉 ~ 自然色系 上面唇色是flashing color, 下面唇色是nude color 全個妝都係用咗呢set palette, lipstick化出嚟