J-Cloudream

Supreme Hydration Mask 竹子保水面膜 ~ AHC @ BEAUTY 上年已經用緊AHC的竹子保水面膜, 長期斷貨。 敷mask前放入雪櫃凍5分鐘, 更有收毛孔作用, 夏天敷更舒服。有時做完戶外活動, 反屋企保返水真係一流。 第一代AHC竹子保水 mask 夏天最好用的面膜, 能修復輕薄的角質層, 舒緩過敏泛紅皮膚, 恢復肌膚彈性和補水, 有效收縮細緻毛孔, 調節水油平衡和油脂分泌, 改善粗糙膚質以提亮均勻膚色 。 第二代AHC竹子保水mask 第二代竹子保水面膜 等了一年終於等到返貨, 香港好少代理有得賣, 在韓國專門店又少貨, 而且價錢比代理還貴。好用的真係多人爭。今年AHC全新包裝, 保水效果一樣。面膜紙很薄很貼面, 精華多, 清新味道, 敷完好fresh。 第一代竹子保水面膜 第一代竹子保水面膜 個人覺得佢比起同品牌B5精華系列的保水面膜還要好。精華清爽, 好適合夏天用。

針筒面膜 ~ OOZOO @ BEAUTY 最近試咗隻新mask, 針筒面膜, 真係好正, 這個必推介。它的面膜紙係前所未試過咁滑, 摸落個包裝到感覺到佢面膜漲卜卜, 精華應該不少。另外還多附加一支針筒精華, 已經覺得抵咗好多。還要兩種精華混合埋, 先注射入包裝袋內, 好似新鮮D啦! 一盒5片裝 另外, 可能因為面膜有一塊網狀的紗夾住, 可以將所有精華keep住在棉質面膜紙, 拿出面膜時精華不會滴漏落嚟而浪費。這個設計不錯。而且棉質面膜好幼細, 好貼面, 全面覆蓋 。剩下的精華還可以塗抹頸位, 我還可以用化妝棉濕透餘下的精華, 敷埋鼻翼位, 好抵用。 針筒精華, 需要兩種精華混合才注射 因為針筒的精華要自行按入, 搖勻, 才可注入包裝袋內, 拍了短片簡介用法, 以免把精華浪費。 針筒注入步驟 敷完好飽滿, 皮膚滑滑, 精華唔笠, 好舒服。佢有3款效果: 保濕, 美白, 膠原。今次我試咗佢膠原面膜, 相信佢保濕和美白效果會明顯多D, 始終膠原係深層修護的功能, 如果有靚靚試咗保水和美白效果, 留言比我知得唔得吖。 最愛敷面時不斷按摩著面膜, 真係超滑, 加埋導入儀, 直接將精華導入底層, 效果更顯著。