J-Cloudream

STEM Cell Mask @ BEAUTY 喺TDTM睇到一隻新推出的面膜, 由韓國醫院供干細胞再生修復用的面膜, 有保濕, 補水, 收縮毛孔, 抗敏感, 抗皺/粉刺/痘, 曬後修復, 活膚滋潤, 抗衰老的功效。好似咁勁, 又忍唔住又為自己皮膚添補品, HAHAHA.... 面膜紙比較大塊, 剪裁不是太貼服, 精華超多, 但又不會滴漏走晒, 建議敷30分鐘, 但我覺得敷45分鐘都仲有好多精華剩。塊臉超水潤, 又有光澤。臉上的精華由得它自然吸收約20分鐘, 然後才洗面做護膚。 第二天起身, 覺得塊面仍然水潤, 又有彈性, 這個mask可以stand for 3天, 貴了一點都抵番普通10元塊的面膜啦! 昨天去完高流灣七年一次太平清蘸, 太陽超勁, 做了防曬都覺得塊臉刺痛, 又紅腫, 整個人由內熱到出嚟, 返到屋企急不及待敷番個mask, 將個mask先放入雪櫃, 冰涼 的mask敷上臉簡直正到絶, 頓時舒緩晒, 45分鐘後, 塊臉已經減退紅腫, 好補水, 感覺到塊臉同我講: 我已經充滿力量嘞! 所以曬過後, 這個STEM確實是一個很好的急救mask, 幫助到皮膚回復彈力, 令細胞再生。真係值得推介。 精華很多, 紙的質地比一般的略厚 面膜紙剪裁不是太貼服, 有虛位, 比較大張能遮蓋全臉

Facial mist: Laneige vs Etude House @ BEAUTY 長期在office工作， 真係日日都被吸乾， 不論係精神還是皮膚， 真係要好好休下， 噴下， 保下， refresh下。 偶然的機會下收到 一支Etude House facial mist, 當然急不及待保濕下先啦， 放在office 隨時噴。好清新， 有少少青草香水味， 但隱約會感覺到少少酒精， 因為當皮膚吸收後， 會覺得塊面好猛緊， 有點不舒服。不過亦不以為然， 唔洗錢唔好浪費嘛！ （女人的心理） Etude House facial mist 後來見到店主入了Laneige小樣辦 water bank mineral skin mist, 30ml 都係$35， 平平地買來試下囉。唔試由自可， 一試就比較到高底。  water bank mineral skin mist 果然名乎其實的water bank, 真係好水潤， 好爽， 非常refresh。袋喺手袋都唔阻位置， 時刻精神爽利， 用嚟定妝都無得頂。今心個夏天有支保水旁身就very good. Products brought from TDTM

夢想cafe ~ Heato @ EAT 尋夢去…飛吧！ 夢想， 人人都有， 但是真正付諸實行的又有幾多人呢？ 知己難遇， 有著共同目標和夢想的同路人, 一生又能遇到幾個呢？ 把握今天， 相信衪在你前面開路， 平安和喜樂一定伴隨。 第二次到訪海圖, 因上一次去到時, 剛開門不久, 入面已坐滿客, 外面又有4對客人等候, 所以決定下次再臨。今次12點到, 有部份客人都開始食到尾聲, 我前面的有兩對couple等候, 結果等了約45分鐘才能入座。所以各位要有心理準備, 這個是慢食breakfast or brunch or tea，好讓你有一個輕鬆悠閒的心情, 享受咖啡, 細味生活, 靜探自己最深處的聲音 。 很隨意自助的cafe, 沒有人追著你要快點吃完， 早點交枱， 可以在海圖的留言冊留言互勉。 喜歡他的靜， 愛他的無束縛， 欣賞他的堅毅。 ALL DAY BREAKFAST: 最欣賞係佢salad dressing, 少少甜, 有別於一般沙律醬, 蘋果的配搭清甜, 好滿足 雞肉翠香汁意粉: dressing真係好特別, 沒有黏口的感覺, 少少帶甜, 有點檸檬汁吊味, 清清的香草, 好fresh唔滯 Mocha: 口感超滑, 咖啡不苦澀, 朱古力味道合到好處, 不會搶走咖啡味 Magic: 三份二杯奶 + 2個shooter, 出奇地奶不會蓋過咖啡的濃和香, 令到整杯精品很輕 自助啤酒樽 ~ 清水 因店鋪不大, 位子共約14座, 要在店外自律地排隊入座 清晰的menu, 想吃什麼, 走到BAR枱面落order付錢, 就可以在座位等候, 影下相, 玩下selfie, 等一會就會送上食物。 雖然店鋪小, 但內容豐富卻不凌亂 再看看海圖的歷史和心路分享, 令你得著支持和相信希望的力量就在你前面 Café Heato   海圖 屯門 虹橋青柏徑6號鹿苑16號舖 星期一至五: 10:30-22:30 星期六至日: 11:00-23:00

精緻COFFEE ~ Accro Coffee @ EAT 很久都沒有飲咖啡了, 很懷念那個味道, 很難得表妹相約去一間精品咖啡店相聚談心, 當然一定要去。 坐西鐵到朗屏站, 步行約8分鐘就到達, 門口設有坐位, 放便吸煙人士, 門一趟開, 那股咖啡豆香已經撲向我, 令我頓時醒過來, 久違了的氣味, 你好嗎? 我很想你啊! 面前一個大BAR枱, 可以坐下望著咖啡師調配咖啡, 很講究和專業的用具, 看得到咖啡師的執著和熱誠, 因為這家店的咖啡師考了很多証書, 在柜頂排滿了証書, 是個肯定的印記。 每天都會有幾款蒸餾精品咖啡選擇, 用上不同種類的咖啡豆烘焙和調製, 價錢當然比較貴, 不過以這個手工咖啡來看, 你可以看到你杯咖啡沖調出來的過程, 在你面前如何誕生, 那種欣喜若狂的心情很難形容。 喝咖啡的精髓不單是品"味", 而是細"味", 品出精髓, 細出味道。 今次點了一杯rose latte & cappuccino, 咖啡豆香味濃, 入口幼滑, 另外點了一件home made New York cheese cake, 雖然細細件, 但有很豐富的芝士味, 果然是精品之選。 元朗 媽橫路21-27號福昌樓地下8號舖  

雅緻中菜~小碟 @ EAT 銅鑼灣登龍街經過重整， 拆樓重建， 在金朝陽中心2期 Midtown開了幾間食市， 其中一間是由彩碟軒老闆女兒經營的中菜館~小碟， 比較新派的中菜。 上到八樓， lift門打開， 已見一些雀籠， 樹枝等裝飾， 很中國風， 走進廳內， 很光猛， 樓底高， 其間你會不時發現不同角落都找到蝴蝶的蹤影。 餐具一改傳統， 全用上彩色繽紛的杯碗碟， 令人視覺精神， 食慾大增。有幅特色牆，鏡面底， 架上放上最少60 隻畫有以蝴蝶和植物圖案的小碟做裝飾， 添了一分優雅。 餐前小食很特別, 是用紅菜頭白蘿蔔和紅蘿蔔醃醋而造, 好清新開胃。最有創意的是菠蘿咕嚕肉, 有別於一般菜式, 是點心, 不是小菜, 用了迷你菠蘿包做盤子, 盛著碎粒咕嚕肉, 再另上咕嚕醬汁, 買相好看新鮮, 但略為有點貴, 咕嚕肉粒丁, 真的很小, 沒什麼質感, 不過醬汁的味道不錯。 沙薑雞腳  /  菠蘿咕嚕肉 / 鳳尾蝦芋角 / 春風得意腸粉 鳳尾蝦芋角的外層鬆化, 原隻蝦及芋蓉綠豆蓉 肉 餡 , 芋頭的比例不算多, 不會太膩。普寧豆腐就遜色了, 整體不過不失, 如果想試下新環境, 新食法可以是一個不錯的選擇, 這家應該會再光顧一次, 再發掘新菜式。 餐前小食: 醋 醃 紅菜頭蘿蔔 / 甫魚鮮蝦餃 / 普寧炸豆腐 / 鳳凰煎珍珠雞 是次4人消費用渣打信用咭9折,  $459.80, 每位茶芥$12, 小食$15

新派甜品~ SENSE DESSERT CAFE @ EAT 很難得有機會約到弟妹齊人, 星期日去了佐敦食甜品, 泊好車, 才OpenRice一下附近有咩好食, 我們都是比較即興, 結果本著試試的心態就走入這家 SENSE DESSERT CAFE。 入門口就好似走入班房, 左邊牆是一大塊黑板: WE WILL ROCK YOUR SENSE, KEEP CALM AND DESSERT ON, 加上白色磚牆, 沒有返學的壓迫, 反而好舒服, 好relax。 晚上10點, 不是太多人, 坐得好舒服, 員工很友善, 對自己的產品亦很熟悉, 能夠站在客人方面建議口味, 很細心。 我們共點了5個甜品: 抺茶心太軟, 紅白心太軟, 蘋果金寶配雪糕,  窩夫配士多啤梨朱古力醬 , 雪糕焗脆格   抺茶心太軟($55): 心太軟的抺茶味很濃, 流心比例佔80%, 蛋糕薄薄的, 抺茶雪糕亦很濃和滑, 中間有紅豆與cream的配搭, 簡直絶配, 賣相簡潔清新, 好一個法式和風style。 蘋果金寶配雪糕($50): 金寶脆脆熱呼呼, 蘋果切片鋪底, 有少許肉桂粉, 不是太強, 合到好處, 製作時間最少25分鐘, 不過是值得等待的, 配上自選朱古力曲奇雪糕, 一冷一熱, 超滿足。   窩夫配士多啤梨朱古力醬 ($55): 一整份窩夫為主角, 配香草雪糕, 鮮甜士多啤梨和朱古力醬, 簡直是不能抗拒, 窩夫上枱時還是脆口的。 雪糕焗脆格($65): 脆格原來是用粒粒麵包烘脆的, 很香, 自選蜜糖 味 雪糕是店的皇牌, 加上朱古力醬, 香蕉和杏仁片, 配搭不錯, 不過不失。 紅白心太軟($78): 這個是草莓和香草份子雪糕, 中間放著朱古力心太軟, 上枱時一遍輕煙, 好浪漫。店員還叮囑不要單單食雪糕, 因為份子雪糕有-190 ℃, 直接放入口會凍傷, 最好是連埋暖暖的心太軟一拼放入口, 嘩!!! 超正, 即時溶合, 吃到最後, 雪糕都未溶掉, 直接入口都OK。這個份子雪糕比一般雪糕入口的冰冷感出奇低, 一向怕冷到氣管的我, 吃了這個雪糕都沒有被刺激到,  so good!

LANEIGE two tone lip bar @ BEAUTY 最近迷上了韓妝的桃紅咬唇look, LANEIGE出咗10個色系列, 今次買了這個是No. 1 Magenta Muse, 係hit color之一, 平時少塗唇膏的, 也要做一做韓妹。 唇膏好水潤, 基本上不用上潤唇膏都好易上色, 塗咗上去成個人精神晒, 仲覺得自己甜美咗(HAHAHA....好自戀呀!) 最鍾意佢設計是長方柱, 一改慣常的圓柱型唇膏,  不是璇轉式推出唇膏, 而是旁邊有推扣向下拉就會推出唇膏, 感覺好fashion。 不過固色度低， 很容易脫色， 但非常食色， 就算抹掉面層都仍然見到珠唇有色，落妝要加點功夫嘞！ Lip Bar好前衛, 又輕巧,  手袋必備。 10款色選擇 咬唇效果展示 推拉手柄設計 用深桃紅色的效果 用淺桃紅色的效果

  新開始的誕生@LIFE                                                                                                                                                                    街頭表演@西班牙廣場 將想法轉為行動是需要很大的力量, 但是要堅持你的行動是需要更大的支持。 希望這個blog可以記錄生活上的點滴, 分享給你, 妳, 您, 我的知音。 有時會覺得生命無常, 此刻遇見的, 可能是下一刻的永別, 此時的悲傷, 並不代表下一秒的不快。 珍惜是我近年領會到的, 但是一向倔强的我又往往不願踏出第一步, 時間可以陶造一切, 互勉。