AHC Hyaluronic Toner & Aloe Smoothing Gel @BEAUTY
AHC Hyaluronic Toner & Aloe Smoothing Gel @BEAUTY 用咗好多不同牌子的爽膚水和補濕凝膠, 最後都係覺得AHC的最啱用, 完成純淨不刺激皮膚, 最重要係經濟實優, 日日用都唔肉痛。 AHC Hyaluronic Toner 100ml 這款爽膚水比平時用開的有不同, 質感是結一些, 不是水狀, 就好似精華的效果。 因為這款爽膚水本身就有玻尿酸補水精華成份, 所以比一般的都多了補水精華。 朋友問我 : " 點解你咁多護膚產品都係補水? 爽膚水, 精華, 面霜, 由底至面都係補水? 清潔, 敷面膜, 都係要有補水, 用下其他唔得咩?" 哈哈.....其實我真係好缺水, 試問最基本肌膚底層的吸收力唔強, 搽咩都唔吸收啦! 最緊要將個底做好, 有水就有健康細胞, 再補膠原就係第二個步驟。 AHC Hyaluronic Toner 1000ml 美容院裝 除了有貨裝100ml之外, 仲有美容院貨裝1000ml, 不過1000ml裝不是容易買到, 通常都要直接跟批發商預訂, 先可以用極超值價買到。 一支1000ml的美容院裝, 我可以分到10次用, 大約用9個月左右, 我真係豪用架, 有精華的爽膚水去邊到搵到咁抵用, 而且AHC這牌子可以放心用, 註明孕婦都可使用, 成份當然超 純。 AHC Botanical Aloe Gel 100ml 另外, 這個蘆薈啫喱舒緩凝膠都是我的大愛, 特別夏天戶外活動後, 曬到熱辣辣, 面都紅卜卜, 有時還曬傷, 回家潔面後就即刻敷上這個蘆薈凝膠, 頓時可以將紅腫退去, 特別將這個gel放入雪櫃, 攞出嚟敷在面上即時降温, 超正, 收細毛孔, 滑流流的。 蘆薈有消炎, 鎮靜肌膚, 收細毛孔, 舒緩敏感。 如果在敷面膜前先敷這個蘆薈凝膠10分鐘, 可以大大幫助皮膚稍後的吸收。 AHC Botanical Aloe Gel 1000ml 美容院裝 當然美容院裝是最經濟實惠, 不過如果唔係日日用的靚靚, 或者可以考跟幾個friend share嚟用, 或者佢的貨裝也不是太貴。 總之都係嗰句, 買咗就要用, 用就唔好慳, 懶就唔好買嘞~