J-Cloudream

2015 首爾遊 Day 1 James Cheese Ribs @ TRAVEL & EAT 第一天汗蒸完, 到弘大check in 後, 已經是15:00了。要醫肚嘞! 就在酒店附近, 找到James Cheese Ribs的總店, 最愛的芝士排骨, 我來嘞! 位於弘大的總店 一眼睇晒全店的格局, 我坐在角位 不用等位, 安排坐在窗邊, 立即已經跟OPPA叫了2人份量的芝士排骨, 都係32000won (約HK$223), 再叫了一個手握金槍魚紫菜飯團3500won (約HK$25), DIY玩下手握飯團, 還有地瓜芝士卷5000won (約HK$35), 真係超好味, 超抵食啦。 芝士排骨, 最少要2份起, 價錢是一人價錢 OPPA端上芝士排骨鍋, 幫我們主理芝士, 見到芝士慢慢溶化, 變成黏狀的軟芝士, 真係口水都流, OPPA一手夾起排骨, 一手用剪力將軟芝士撓起包住排骨, 好豐厚的芝士就似一張棉被包裹著身體一樣, 令到排骨的熱力得以保存。(嘩~ 不得了, 我在吞口水, 真的好想再食多次) 當厚厚的芝士在口中填滿, 它的煙韌混合豬肉的汁, 在口內爆發, 肉質嫩滑又juice, 好滿足。 今次第一次試了剪片, 做得唔好大家唔好見怪, 比大家親眼睇睇芝士排骨的製作過程, 一定令你口水流。 如果芝士唔夠, 就要加錢了, 不過以佢提供的份量是剛剛好, 除非芝士痴, 可能要加碼了。 另外, 我們還點了DIY飯團, 提供手套給你, 握出喜歡的飯團形狀, 一邊玩一邊食, 好開心。 而它的甜地瓜芝士卷超正, 想不到蕃薯加芝士原來係咁夾, 熱呼呼的, 拉絲著芝士, 超好味! 今次order份量是4人吃, 剛剛飽肚, 如果去旅行想吃多一點不同美食, 試到推介菜式便可, 這樣跑出門後又可以吃其他美食囉!

2015首爾遊 Day 1 Hotel the Designer Hongdae @ TRAVEL 今次在Hotel.com book酒店, 以HK$500-HK$800的雙人房目標, 最緊要地點方便。6天行程, 我們選了換酒店的方案, 不過都是住Hotel the Designer集團的酒店。 我們先在弘大的酒店住兩晚, 遊逛弘大, 梨大, 新村的地方。 由2號線合井站3號出口走3分鐘就到, 望到好高瘦的酒店就係Hotel The Designer Hongdae 這酒店每一間房都有特別設計, 好合適時下年青人的品味, 不過講到實用性的話, 就好睇唔好用。房間正中一個大浴缸, 旁邊就是睡床。 1605室的圓形睡床 1605室 一個橢圓形大浴缸在房的中間, 不過實際上都用不著 1605浴缸和床中間的圓柱原來是衣柜, 雪柜和放水煲茶杯的柜桶 我妹妹入住的那間房, 一個大浴缸在大窗前, 一邊浸浴可以望到漢江景色, 都不錯吖! 哈哈..... 16/F 最高一層 1603室, 大浴缸在窗前 1603室 床旁邊一張枱頭柜就是洗手間的玻璃牆 洗手間很細, 洗手盤在馬桶旁, 關了玻璃門, 門後有花酒, 淋浴時水會走出房間, 真的很不方便, 如果講實用就差了一點。 每一間房的洗手間都一樣狹窄 因為圓形床的房真的很不方便, 行李都沒位放, 所以睡了一晚, 我轉了隔離房, 床的擺位比較歸一, 實用率好一點。 1606室 比較好用歸一,  床褥在地枱上 1606室 浴缸分隔一角, 進房會有一個較闊的空間放行李 1606室 床尾有一張長枱, 可以放到一些叉電, 電話等零碎的東西 值得一讚, 是它房內提供notebook給你上網, 有足夠的入牆國際插頭, 所以沒有帶轉插頭都可以叉到電。而且接待的員工態度很好, 我們問路或乘車方法, 他們都很耐心用英文講解。 http://hotelthedesigners.com/ 望到漢江, 夜景也很美

2015首爾遊 Day 1 SILOAM汗蒸幕 @ TRAVEL 2015年12月3日      晴/ 下雪    -3℃ 04:55到達韓國首爾仁川機場, 取了行李之後, 0600就到了機場快線搭鑯路入首爾站。 拿著boarding pass 票尾到站務買票, 由8000won, 可以得到優惠價6000won一張車票。 如果四人同行已經是團體票都有優惠。 出首爾站就下著雪, 好像下雨似的, 少少冷 07:00已經到了首爾站, 我們到步就看到首爾的雪景, 天飄著雪, 不過覺得不是太冷。我們步行15分鐘就到達SILOAM汗蒸幕, 這家24小時的, 所以不論何時到達, 都可以給你休息個飽。而它的收費就只有兩個: 05:00-20:00~10000won, 20:00-0500~15:000won, 它的網頁有中文version, 而且又詳細清楚, 可預早查看做足準備。 遠遠可以看到SILOAM的大廈 到步後, 天還未亮, 真的很有倦意, 我要沖涼瞓覺 到步後, 招待處收錢後, 就每人一套浴衣(好似小學生的運動服), 我們拿著行李, 各自入了男女更衣室, 放了鞋在一個locker後, 有阿豬媽幫忙給我們的行李作寄存, 再給我們另一條locker鎖匙放背包衣服和兩條毛巾。更衣後當然先視察環境啦! 女更衣室locker下一層是大浴場, 當然是洗澡的地方, 有不同大小温度的浴池, 花洒, 乾濕桑拿房, 水力按摩床, 及一些沖涼用品供應: 牙膏, 浴鹽, 沐浴液, 洗髮水, 很齊備。而且沖完, 還有護膚乳搽身, 好貼心呀!  沖洗先, 當然要赤裸裸的落浴場啦!  真係第一次赤裸裸同咁多人一齊沖涼, 不過我覺得只要自己唔出聲, 邊有人知道我係香港人吖, 就當自己係韓妹咪得囉! 想不到我們07:30到步, 那裡已經有很多阿豬媽沖完涼汗蒸完畢, 她們果然十分喜愛這個行氣活血的活動。 昨晚上機都沒沖過涼睡得好, 這回到步先來個汗蒸真爽呀! 洗好澡後, 換上運動服就上二樓了 , 每一層都有不同的休息地方, 先填下五臟腑, 吃個地道辛辣麵, 湯年糕餃子, 豆腐湯, 石頭飯, 仲有汗蒸獨有的燻蛋, 讓自己做下韓國人。 燻蛋/ 蒸餃 / 辛辣麵 / 豆腐湯 / 石頭鍋飯 4人共吃了32500won真是一個豐富的早餐啊! 吃