J-Cloudream

粉紅色牛的越南粉@ EAT 從來都十分喜歡越南菜，   最愛生牛肉湯河，   但係香港整得好食嘅越南餐廳真係好少 。 精髓在於湯底和那幾塊生牛肉。 有半日休假，   老公問起我想食咩？難得話事權在手，   就任性的要試新嘢。   其實有話事權都不是好事，   好傷腦筋㗎 !  奇怪今日提議無比人 ban,  哈哈 .... 實在難得。 走到 8 咪半試咗呢間 five spicy 五越， 2 點鐘未有下午茶， 比較過餐牌， 午餐吃的跟下午茶差不多， 價錢都係貴 4 元左右， 也不等了。 餐廳裝修以燈泡和黑鋼支做設計， 時尚型格， 有卡位， 小圓枱， 大長枱和高 bar 枱， 適合唔同組合的客人， 而且 bar 枱還有充電位呢！好貼心啊～ 哈哈 ..... 我當然找了 bar 枱呢～自己醫肚都以比電話吃飽飽。 生牛肉湯金邊粉係我必然點選， 端上枱一刻， 真係好驚喜， 嘩~ 牛肉粉紅色㗎， 好大碗呀～ 叫生牛肉真係比生牛肉你， 是三成的生牛肉， 牛肉只被熱湯淋上面， 才會有粉紅效果。就算有湯浸到的部份不多， 熟一點變咗啡色的牛肉都唔 "鞋"，整體超有誠意。金邊粉爽而幼細， 不算滑口， 但入口口感滿滿的，湯底肉味濃， 吃完寔會有口乾感， 相信味精不會太多。 香茅豬排也必定會試， 配白飯送中湯。豬排份量滿足， 雖然有點乾身，但好香脆。豬排厚， 所以炸出來乾都有口感， 不致豬肉乾。 另外， 跟餐加配了2支蔗蝦， 嘩~ 呢個相當有誠意， 好大件遮住我成個口呢～ 而且佢支甘蔗唔乾之餘仲有好多蔗汁， 非常清甜， 平時這支蔗簂啜一口就唔要， 呢支我吸晒佢嘅蔗汁。蝦膠好彈牙， 煎得香， 不會太膩，值得一試。 還有特式凍飲加6元就可以試到椰子綠豆冰， 不會太甜， 綠豆碎底配椰奶，夏天飲一杯簡直透心涼。 # 加一服務費   # jcloudreameat   # pho   # fivespicy   # 生牛肉湯河   # 越南菜

CIG Zero.AZ Repair 修復補水系列 @ BEAUTY 天氣已經熱得厲害, 令人癲狂呢! 一早已經幫自己換咗季, 穿上短袖衫了, 那麼你們的護膚品都換了季嗎? 夏天記得要換一些比較清爽的護膚品啊! 夏天是必須補水保濕的, 但又希望可以同時做到修復的效能, 實在是件難事。因為這兩者的性質是兩碼子的事, 修復的營養會特別高, 相對它的質感會比較結身及滋潤, 而補水保濕都是比較清爽, 所以兩者集於一身確是不易。 修復系列的產品都係針對皮炎, 濕疹, 敏感皮膚, 產品是不可以含有對皮膚刺激性的成份, 有害物質。 最近給我遇到一款醫美氧氣修復系列的護膚品,  註明不含8大對皮膚有害成份: 沒有羥基苯甲酸酯, 三乙醇胺, 礦物油, 酒精, 滑石粉, 有機合成顏料, 二苯甲酮, 香料。這些成份在化妝護膚品中會有機會出現, 都是為了產品的質感, 樣式, 氣味而加進去, 令產品看起來好些, 但這些化學物質卻往往對我們的皮膚有害。 所以這款韓國 CIG Zero.AZ Repair 修復補水產品, 連 敏感肌和兒童都可以放心使用。 Repair Cleansing Gel 150ml 是 透明 水質的效果, 不用一pump, 就可以很起泡的洗全面了。很清爽, 有淡淡的甘菊味, 好清純的產品。洗完面又沒有繃緊的感覺。 Repair Cleansing Gel 150ml Repair Essential Toner 140ml 接著用它的修復爽膚水, 用2 pump 都已經足夠全面吸收, 拍打上面, 讓皮膚快快吸收, 這個爽膚水令我覺得皮膚好像打開了, 好舒服。 Repair Essential Toner 140ml Repair All in One Essence 35ml 這支多合一注氧補水修復精華, 淡淡藍色的gel 狀搽了上面後會有泡泡走出, 感覺肌膚上的毛孔在一點點的逐一打開, 好活動的精華。我會讓泡泡在面上停留一陣, 讓多一點氧氣打入毛孔, 哈哈........其實只是自己在想像中吧。 跟著就均勻地推開, 讓肌膚吸收。 Repair All in One Essence 35ml Repair Aqua Cream 35ml 最後再搽上修復補水面霜, 質感是白

在 Urban Cafe Commune 來一口蛋糕  @ EAT 難得休假， 獨自一人無管束， 讓自己任性，愛做什麼就什麼。可以不計何時起床， 不必趕著早餐時段吃早餐， 草草吃兩隻蛋和豆奶就作午餐， 就是為了要留肚吃這蛋糕。 tea time 時間嚟到 Urban Cafe Commune , 平時見到佢嘅蛋糕已經口水都流， 又靚又吸引。 今日終於試到了。 今日去了屯門市廣場的分店, 大約16:30的時間, 不是太多人, 不用排隊。平時晚飯時間一定大排長龍, 一定要早點排隊入座。 找個角落, 坐長餐枱, 因為喜歡它的滑板枱面設計, 而且又不是太多人, 店員都隨意讓我選擇。 很快已經有了target落單, 點了一個 strawberry the Elmo, 有 3 層好有質感的蛋糕， 食落是有 " 鞋 " 口， 而且帶實的蛋糕， 好濃士多啤梨味， 是足料， 沒有用太多發粉令蛋糕鬆軟。講真個人比較喜歡這類少添加化學食品嘅蛋糕。間住兩層士多啤梨慕絲， 超香濃超滑， 顏色淡， 明顯沒有添加太多色素，而且慕絲好挺身， 密度高。好豐富的口感 。38元一件蛋糕有這質素都算不錯呀! 另外點了杯 hot chocolate, 好有誠意的泡沫朱古力， 泡沫打得很滑， 而且好挺結身，飲到一半， 泡沫還是挺挺的掛在杯邊， 就好像慕絲一樣。香濃的滑朱古力，熱呼呼喝一口時不會很甜， 可可香從鼻撲入， 朱古力入口將正個味蕾填滿。確實欣賞他打泡沫技巧 。36元杯熱朱古力算是中價價錢吧~ 別忘記, 還有10%服務費呢! 獨自一人， 可以靜思， 做想做的。 就讓自己靜一靜，重新出發， 為明天努力。

筲箕灣魚蛋牛腩麵~ 安利 @ EAT 人哋話筲箕灣東大街有好多正嘢食， 如果要吃魚蛋牛腩麵的話， 一定要試安利。 在東大街你會找到兩家安利， 一家是寫著安利大排檔， 舊式裝修。一家有牌坊寫著安利， 你會看到比較新和有新派大排檔設計的裝修， 需要派飛入座。聽講又是家族生意分咗家， 各自經營。 中午12點半，門口已經人山人海， 等入座都要半小時。入座後當然第一時間order佢嘅主打， 切腩和魚蛋啦～ 為咗要試晒佢唔同款式， order咗一碗切腩雲吞魚片湯河， 一碗柱 侯 牛腩牛丸魚蛋撈幼麵。 切腩雲吞魚片湯河， 牛腩好淋， 好易咬，河粉滑，湯底不會太鹹的清湯。魚片超薄， 雲吞算爽口， 不會有太多胡椒粉。 柱侯牛腩牛丸魚蛋撈幼麵， 柱侯牛腩好"嚡口"， 好難咬斷， 有一小塊牛筋都算入味。魚蛋是彈牙， 不過沒驚喜。最意外的是牛丸， 加入了葱和 芫茜，很香， 不過質感偏淋， 不是彈牙口感。 整體份量都偏細， 丸類細粒，魚片薄薄， 是精緻小品。 其實講真， 係咪好好食真係見人見致。排隊等半小時吃一碗50元嘅三拼湯麵， 又係咪值得呢？ 香港人喜歡排隊， 喜歡投資時間和金錢在人人都話好的東西上， 造就潮流， 未試過又點可以叫香港人呀～