J-Cloudream

錫箔紙面膜   ~ make p:rem @ BEAUTY 2016 年初 ,   見到 Estee Lauder   出咗一隻 Advanced Night Repair Concentrated Recovery PowerFoil Mask 的銀箔面膜 ,   就覺得好得意 ,   想玩下 ,   但係 $680 得 4 片 ,   確實玩唔起 ,   想不到半年後韓國一個本土牌子 ,   只做韓國內銷生意 ,   出咗一款類似的銀箔面膜 ,   即時買嚟體驗下。 Wrapping Me. Moisture Sauna Mask,   另外還有一款是美白效果的。今次試了保濕 ,   拆開後 ,   袋內的精華主要都是在銀箔面膜內 ,   面膜紙是雙層 ,   面層在外是銀色的銀箔 ,   底層是白色棉質面膜 ,   兩塊緊貼著分不開 ,   中間就鎖著精華 ,   分上下兩截 ,   整塊面膜非常厚實 ,   鋪上面時就似 iron man,   塊面就好似 BBQ 時用錫紙包住蕃薯的樣子。 未敷前 ,  以為會好似佢講 sauna 效果 ,  會熱和滴水 ,  點知完全無咩感覺 ,  又唔覺熱 ,  又唔焗 ,   只是個 mask 太挺身 ,  感覺到面和面膜之間有一層空氣 , 完全 不貼面 ! 敷了比指定時間長 ,   半小時後 ,   脫下 mask,   塊面突然覺得好清涼 ,   可能係錫紙阻隔了外面的冷空氣吧 !   而面上的精華仍然很多 ,   面膜紙上還有少少濕 ,  面上的精華不用過水 ,   任由皮膚吸收 , 也 不會覺得太笠。 如果話真係好正好保水咩 ,   又唔係好明顯喎 , 不過 基本的保水是做到的。   我相信佢銀箔紙的設計係可以阻止到精華的流失 , 不會浪費。敷的時候就好似機械人硬板板, 怪怪的, 可能平時D mask都比較soft, 不過都 好 fresh好舒服 。 http://qinjessec.blogspot.hk/2016/10/ahc-premium-hydra-gold-foil-mask-beauty.html

春天經濟面膜 @ BEAUTY 這個月都非常潮濕, 人都唔精神, 總覺得好重, 真係好想refresh下自己。 本來好想去下旅行睇下櫻花, 但係又請唔到假, 真係好沮喪。 好彩比我遇見這個來自濟洲的面膜, 先可以安慰下我見唔到櫻花的情緒。 DEARPACKER濟洲 masks 紅色: 山茶花緊緻彈力 / 綠色: 仙人掌水潤 / 粉紅色: 櫻花煥白 / 黃色: 油菜花瑩潤 用了濟洲四種不同鮮花精粹做的面膜, 真係好有春天的氣息, 而且佢的面膜紙是無添加, 沒有螢光劑和漂白劑, 用的是100%純棉面膜布, 可以看到棉籽。 面膜好貼面, 每日一張都不奢侈, 做完真係好精神, 沒有香料, 好清新。幾元一張真係好抵呀!用得過, 而且DEARPACKER係LG旗下品牌, 品質有保證呀! 紅色: 山茶花緊緻彈力 ~ 令鬆弛的肌膚健康有彈性 綠色: 仙人掌水潤  ~ 令粗糙的肌膚水潤嫩滑 粉紅色: 櫻花煥白  ~ 令黯淡的肌膚凝白煥亮 黃色: 油菜花瑩潤 ~ 為疲勞肌膚注入生機與活力 哈哈.....以上的簡介都係供應商宣傳的手法, 反正我覺得平有平用, 貴有貴用, 令自己refresh下都不錯。 單單望住佢packing都已經心情好咗。

愛上玻尿酸 ~ AHC B5 @ BEAUTY 自從去年初試用了第一支玻尿酸B5精華液之後， 從始皮膚不再一樣， 愛上咗佢。 玻尿酸喺保持人體皮膚水份的主要元素， 有助皮膚吸收水份，從根底打好保水基礎， 由底層水潤到面層， 之後搽咩護膚品都容易吸收啦～ 1公升美容院裝玻尿酸toner 試咗幾種玻尿酸精華， 發覺韓國嘅ahc的最啱自己， 用完之後塊面真係飽滿咗， 現在ahc玻尿酸系列還出了爽膚水， 洗面， 面膜， 面霜， 防晒。我都keep住用佢嘅爽膚水， 洗面霜和面膜。成為皮膚每天的食糧。 因為一支30ml的B5精華每天兩次, 用個半月都用完了, 而且都差不多約1400元多一支120ml, 用落條數都好貴, 現在用咗B5 toner後, B5精華都少用了, 因為toner的質感跟精華差不多, 當然比精華稀少少, 但比一般toner質感就較為結, 玻尿酸的濃度也會少一點, 但效果一樣, 用多咗都無咁肉痛。 一支1000ml toner 都係700元左右, 真係經濟多啦! 這個B5 toner的質感比一般toner是比較結身 另外, B5洗面都好清爽, 乾淨得嚟又沒有孟孟緊的感覺, 少少都好起泡, 100ml都可以用好耐。而且100元都唔洗, 超值啦! 而B5 mask 現已經出咗premium加強版, 盒裝都不一樣, 而面膜紙是沒有壓紋, 更貼面但精華亦不會易流失。 premium hydra soother mask第二代B5面膜, 加強版 ahc還出B5防晒霜, 實行全系列保護, 皮膚時刻都飲飽水。質感都非常水潤, 又易推開, 而且帶有少少亮白, 基本上我做了護膚後, 連BB cream都唔洗用, 直接上防晒都有素顏效果, 膚色自然的效果, 估唔到佢有咁好效果, 塊面就唔洗越搽越厚啦! AHC Premium Hydra B5 Sun Cream 現時市面好多藥房或門市化妝店都可以買到, 價錢有些好吸引, 平到有D驚, 問問韓國代理商後, 才知道原來是假貨, 所以我主主要都是跟韓國代理入口商買, 品質有保證嘛! 最緊要用得安心。 http://qinjessec.blogspot.hk/2015/06/ahc-beauty_24.html